Imani

Zamani kabla hawajaja wakoloni(wazungu na waarabu) hakukuwa na kitu kinachoitwa Mungu,wao waliamini ktk Nguvu kuu.Ndiyo maana utakuta wengine waliamini ktk miti wengine katika majabali,na kikubwa ndugu zangu ieleweke wengi wa watu wa zamani waliamini zaidi katika kanuni za kimaumbile ndiyo ilikuwa msingi wao.

Kwa mtazamo wangu wengi hatumwelewi mungu sana tunachofanya ni kujenga hofu kwa Mungu,linapokuja suala la kutaka kumjua huyo mungu kwa undani utaambiwa unakufuru,sasa mi huwa ninajiuliza iweje utake kujua asili za aliyetuumba uambiwe unakufuru? Haingii akilini umuulize mzazi wako asili yake wapi akuambie unakufuru.

ninaweza kukubaliana na wanasayansi … endelea kusoma

Katika Ulimwengu wa Sasa,Kumekuwepo na Wimbi la Michezo Mingi inayojulikana kama MICHEZO YA KAMARI(LOTTERING,BETTING,GAMBLING)iliyofanikiwa Kuchukua Ulimwengu mzima au Inaweza ikawa Taifa zima zima Kuvutiwa Kushiriki Katika Michezo hiyo wakiwa na Shauku ya Kujishindia Mamilioni ya Pesa na Matajiri kwa Ghafla au kwa siku Moja

Jambo hili limepelekea Kupendwa Sana Na watu wa aina zote hata na watu wanaojiita ni watu wa Mungu au Wakristo wengine ni Maaskofu,Wachungaji au Waumini mbalimbali wa dini zinazojiita za kikristo au zinazomuamini Mungu.Na hasa mijadala hii ipo karibu ulimwenguni pote ikijadiliwa bila kufikia maamuzi

Katika Nchi Yetu ya Tanzania,Kumekuwepo na Hii Michezo ya Bahati nasibu Kama TATU MZUKA Au BIKO AU MKEKA ambapo mtu atatoa pesa yake kama ni 500 au 1000 n.k kushiriki katika droo mbalimbali za kutafuta mshindi wa kujishindia Kitita cha Pesa Mil 60 mpaka mil 100.Na wakati mwingine hata kushinda pesa hizi ndogo ndogo.Na Matangazo ya biashara ya hii michezo yanatawala kwenye luninga channel zote na redio.Matangazo haya yanashindana na mashirika ya simu!Hii ni ishara kuna PESA nyingi sana zinazalishwa kwenye hii michezo Sasa Je,Tunajiuliza Ushiriki wa Mkristo katika Michezo hii ni halali kibiblia? Kabla Sijaanza Kueleza Ni halali au Si halali.Labda Nianze na Hoja zao kuu wanayokuja nayo hawa wakristo wanaoshiriki Michezo hii (Ni Hoja ya Kibiblia)

HOJA YA KWANZA HAKUNA ANDIKO LINALOKATAZA KUCHEZA BAHATI NASIBU(LOTTERY) AU KAMARI(GAMBLING) AU KUBETI KWENYE BIBLIA
Ni kweli hakuna Andiko la moja kwa Moja kama tunavyotaka kuona Kamari au Betting au Bahati nasibu lakini Ipo mifano ya wazi kabisa kwenye biblia inayonyesha Michezo ya Kamari Kufanyika.Nitaeleza mbeleni wakati natoa sababu za sisi kutoshiriki michezo kama hii

Pia Ni Muhimu Kufahamu,Si kweli Kwamba Kwa kuwa Neno Lottery au Gambling halipo direct kama neno lilivyo kwenye biblia basi tuseme hicho kitu hakipo au hatuwezi Kukiamini kama Maana yake inaelekea na Makatazo yaliyopo kwenye Biblia

Katika Biblia Agano Jipya neno “Neema” limetokana na maneno mawili ya Kigiriki ambayo yametafsiriwa kama neema. Neno la kwanza ni “Charis” (khar’-ece) lenye maana ya upendeleo, wema, uwezesho; na neno hili limejitokeza katika Biblia katika Agano Jipya mara 157. Kutokana na neno hili la kwanza tunaweza kusema kuwa neema ni upendeleo na wema wa Mungu kwa mwanadamu ambao umekuja kwa njia ya Yesu Kristo.

Neno la pili la Kigiriki lililotafsiriwa kama neema katika Agano Jipya ni “Charisma” (khar’-is-mah) lenye maana ya karama au kipawa cha neema kinachotolewa bure, au upendeleo asiostahili mtu. Neno hili katika Agano Jipya limejitokeza mara 17. Na katika maana hii, karama na vipawa vyote vya Roho vinahesabiwa kuwa ni neema ya Mungu kwa mwanadamu.

Nini maana ya neema sasa?
Neema ni kipawa cha Mungu kwa mwanadamu kinachotolewa bure ambacho huachilia upendeleo na wema wa Mungu kwa mwanadamu. Ni upendeleo wa Mungu kwa mwanadamu asiostahili mtu ambao Mungu anauachilia kwa mwanadamu akionyesha wema wake kutoka katika pendo lake lisilokuwa na sababu wala masharti. Kwa kifupi tunaweza kusema kuwa, neema ni kustahilishwa wema wa Mungu pasipo kustahili kwa sababu ya pendo lake kwa mwanadamu.

Kustahilishwa pasipo kustahili nini maana yake:
Tangu mwanadamu alipomtenda Mungu dhambi hakustahili tena kupata wema wa Mungu maishani mwake isipokuwa hukumu kwa sababu ya dhambi zake. Lakini Mungu kwa njia ya Yesu Kristo amemstahilisha mwanadamu mema na wema wake wote si kwa sababu ya matendo yake bali kwa sababu ya Yesu Kristo kufa kwa ajili ya mwanadamu

Mistari muhimu ya kukumbuka:-

1 WAKORINTHO 14:34-36:-

34 Wanawake na wanyamaze katika kanisa, maana hawana ruhusa kunena bali watii, kama vile inenavyo torati nayo.

35 Nao wakitaka kujifunza neno lo lote, na wawaulize waume zao wenyewe nyumbani mwao; maana ni aibu wanawake kunena katika kanisa.

36 Au je! Neno la Mungu lilitoka kwenu? Au kuwafikia ninyi peke yenu?

1 TIMOTHEO 2:11-12:-

11 Mwanamke na ajifunze katika utulivu, akitii kwa kila namna.

12 Simpi mwanamke ruhusa ya kufundisha, wala kumtawala mwanamume, bali awe katika utulivu.

HII NI MADA YENYE UBISHI MKUBWA miongoni mwa vichwa vya watu wengi . Na maandiko hayo kwa kueleweka isivyo sahihi hutumiwa na baadhi ya watu wengi kujaribu kujenga hoja zao za kupinga kwamba mwanamke hana haki yoyote ya kuwa Mchungaji wala kusimama madhabahuni kuwahubiria watu kanisani.

Jambo hili limeleta mzozano mkubwa na mpasuko ndani ya makanisa mengi ya Mungu, kuhusu uhalali wa mwanamke kuhubiri madhabahuni na kuwa Mchungaji. Kuna mawazo ya positive na Negative, kuna wengine wanaona ni sahihi na kuna wengine kwao siyo sahihi kabisa .

Sasa basi ukweli na usahihi wa maandiko hayo ni upi basi? Je, ni sahihi kwamba mwanamke hatakiwi kuhubiri madhabahuni kanisani au kuwa Mchungaji ? Tatizo ni kwamba Maandiko hayo hayaeleweki vizuri kwa kwa wakristo wengi na hata baadhi ya wachungaji na Maaskofu, wanalifafanua hilo Andiko kwa maana potofu kabisa .

NB:-

Kuitwa Mtume, Nabii Askofu au Mchungaji n.k. Siyo kigezo kikubwa cha kwamba wewe unaielewa sana Biblia kwa usahihi wake. La asha ! Ndiomaana wako hata wachungaji wengine tena wengi tu ambao huyatafsiri maandiko isivyo na kuyapotosha kwa tamaa zao wenyewe.

MWALIMU MKUU WA BIBLIA NI ROHO MTAKATIFU; yeye ndiye aliyeyaleta maandiko hayo kwetu. Na hatuwezi sisi kuamua kuyatafsiri maandiko hayo vyovyote tu kama apendavyo mtu fulani kutafsiri. La Asha
[ 2 PETRO 1:19-20 ] .
Bali katika kanuni za kuyatafsiri maandiko, tunahitaji sana maongozi ya msaada wa Roho Mtakatifu mwenyewe katika kuyasoma na kuyaelewa maandiko vizuri na kuyatafsiri kwa usahihi wake. Neno la Biblia. Tunaweza kulifaham kwa kufunuliwa na Roho Mtakatifu pekee yake. Ndiomaana Yesu alisema uliwaficha wenye hekima na Akili (Wasomi), ukawafunulia watoto wachanga (Watu wasio na elimu) . Naam, Baba, kwa kuwa ndivyo ilivyokupendeza mbele zako [ MATHAYO 11:25-26]. “Lakini Mungu ametufunulia sisi kwa Roho Mtakatifu . Maana Roho huchunguza yote hata mafumbo ya Mungu. Lakini sisi hatukuipokea roho ya dunia, bali Roho atokaye kwa Mungu makusudi tupate kuyajua tuliyokirimiwa na Mungu ” .
[1 WAKORINTHO 2:10-15].

Si hilo tu. Nikodemo alikuwa ni mwalimu mkuu wa chuo cha Torati. Na watu walimwamini sana katika Taifa la Israeli. Lakini Nikodemo alipoambiwa na Yesu maneno mepesi tu ya Mungu , na usomi wake wote, alishindwa kuyaelewa maana yake nini !! Sasa Yesu ambaye hakupita chuo chochote cha Theolojia, ikambidi amfundishe Nikodemo, mwalimu mkuu wa chuo cha Theolojia ya Torati.
[ YOHANA 3:1- 10 ]

Sisemi wala kupinga kwamba kusoma chuo cha Biblia ni kosa au ni vibaya, au ni dhambi. Hapana. Ni nini maana ya kuanza kukwambia hayo. Maana yangu ni hii kwamba :- Ondoa dhana potofu ukafikili kila mtu anayeitwa Mchungaji, Askofu au Mwanatheolojia fulani msomi anaielewa sana Biblia ki-maana. Ukiwa na mawazo hayo tu, utapotezwa na kudanganyika sana Mpendwa . Na Mungu huwa hatendi kazi kwa misingi hiyo. Mchungaji /Ev/ Mwanatheolojia huyo Anaweza kuielewa Biblia kwa namna fulani tu ya akili hivi , lakini asiweze kabisa kuielewa Biblia kwa jinsi ya rohoni zaidi kwa ufunuo wa Roho Mtakatifu . Na maana ya kweli ya maneno ya Biblia hutumbalikana kwa jinsi ya rohoni zaidi na sio kwa jinsi ya mwilini.
[ WAGALATIA 1:11-12 ; WAEFESO 1:17-19].

Hivyo ni vema zaidi tusiweke vipimo vyetu vya usomi kama kigezo cha kuitafsiri Biblia; bali tumuhitaji sana Roho wa Mungu ndio atuongoze katika kulitafsiri Neno lake Mungu.

UFAFANUZI KUHUSU NENO MVINYO, DIVAI NA KILEO KATIKA BIBLIA.

Neno Divai, Mvinyo au kileo ( WINE) limetajwa katika Biblia nzima zaidi ya mara 234.

Katika Biblia yetu ya kiswahili hatuwezi kukuta neno hili “Pombe“. Lakini badala yake maneno yanayotumika kuizungumzia pombe katika Biblia yanasimama kama Mvinyo, Divai au kileo kwa eneo la upande mmoja.

NB:-

Ijapokuwa kwa upande wa pili vile vile. SIO KILA NENO MVINYO au DIVAI linapotumika katika mistari ya Biblia linamainisha pombe kama pombe. Hapana.

Kuna mahali pengine katika maandiko ya Biblia limetafsiriwa neno MVINYO/DIVAI lakini haina maana ya pombe kama pombe kwa namna ile inavyofahamika kwa wengi . Lakini ukirudi katika LUGHA YA ASILI YA BIBLIA ya kiebrania na kiyunani, neno lilotumika hapo halimainisha pombe kama pombe hasa ( Alcoholic drink). Ingawa kwa kiswahili wametafsiri mvinjo au Divai.

Kuna maneno zaidi ya 11 tofauti ya kiebrania yanayotumika kuelezea kinywaji kinachotokana na zabibu. Sasa ingawa katika Biblia ya kiswahili au kingereza limetumika neno moja tu MVINYO au WINE.

Nimesema sio kila neno mvinjo au Divai linapotumika katika Biblia linamainisha pombe moja kwa moja . La hasha!

NENO MVINYO/ DIVAI au WINE linapotafsiriwa katika Biblia. Limetokana na neno la kiebrania “YAYIN” na kiyunani “OINOS“. Ambapo haya ni maneno ya jumla yanayotumika kuilezea ile divai iliyochachuka tayari ( Pombe) na ile Divai ambayo bado kabisa haijachachuka (fesh grabe juice).

Kwa hiyo SIO KILA NENO mvinyo/Divai linapotumika katika mistari ya Biblia inamainisha pombe. Mahali pengine inaweza ikamainisha mvinjo pombe na mahali pengine mvinyo isiwe na maana ya pombe.

KWA MFANO.

Katika MWANZO 27:28, 37, Biblia inasema :- ” Mungu na akupe umande wa mbinguni, Na ya manono ya nchi, na wingi wanafaka na MVINYO. Isaka akajibu, akamwambia Esau, Tazama, nimemfanya awe bwana wako, na ndugu zake wote nimempa kuwa watumishi wake ; kwa nafaka na MVINYO nimemtegemeza……”

Sasa kwa haraka haraka unaweza kufikiri mvinyo uliotamkwa hapo ni Pombe. Jambo ambalo siyo kweli.

Neno mvinyo lilotafsiriwa hapo limetokana na neno la kiebrania ambalo ni ” TYROSH”. Na neno hilo maana yake ni “FRESH GRAPE JUICE”. Ni juice fresh tu ya zabibu iliyotumika hapo na siyo pombe.

Sijui unaweza kunielewa mpaka hapo!!

Mfano mwingine.

MITHALI 3:10:-” Ndipo ghala zako zitakapojazwa kwa wingi; na mashinikizo yako yatafurika DIVAI MPYA”.

MIKA 6::15:-” Utapanda lakini hutavuna; utazikanyaga zeituni, lakini hutajipaka Mafuta; na hizo zabibu, lakini HUTAKUNYWA DIVAI“.

ISAYA 65:8:-” BWANA asema hivi, kama vile DIVAI MPYA ipatikanayo katika kichala, na mtu mmoja husema, usikiharibu kwa maana mna baraka ndani yake; ndivyo nitakavyotenda kwa ajili ya watumishi wangu, ili nisiwaharibu wote”.

Neno DIVAI iliyotajwa hapo kiebrania ni “TYROSH”. Ambalo maana yake ni kinywaji cha juice fresh ya zabibu.

Ambapo Mungu mwenyewe amesema hapo kinywaji cha namna hiyo, kinakuwa kina baraka ndani yake. Mungu anakikubali tukitumie .

Hata katika ushirika wa meza ya BWANA, ni makosa kutumia pombe (wine). Bali inapaswa itumike tu juice fresh ya zabibu ambayo haina Alcoholic. Na ndiyo Divai ya namna hii iliyotumika katika MATHAYO 26:26-29.

MFANO MWINGINE

Biblia inasema MWANZO 9:20-24:-” Nuhu akaanza kuwa mkulima , akapanda mizabibu: AKANYWA DIVAI , akalewa , akawa uchi katika hema yake. Hamu baba wa kanaani, akauona uchi wa baba yake, akawaeleza ndugu zake wawili waliokuwa nje”.

MITHALI 23:30-32:” Ni wale wakaao sana kwenye MVINYO: waendao kutafuta DIVAI Iliyochanganyika. USIITAZAME MVINYO iwapo ni nyekundu; Itiapo bilauri rangi yake, ishukapo taratibu; mwisho wake huuma kama nyoka: huchoma kama fira”

Sasa neno DIVAI au MVIYO uliotumika katika mistari hiyo . Linatokana na neno la kiebrania ” YAYIN” iliyokwisha kuchachuka na kufikia hatua ya kuwa nyekundu. Ambapo kiufupi imekuwa ni Pombe tayari. Sasa

Na ikishakuwa Pombe , Biblia imepiga marufuku hapo ikisema USIITAZAME . Maana yake usijaribu kuigusa wala kuinywa huo mvinyo/Divai.

Unaweza kuona mpaka hapo.

Nilichotaka uelewe hapo mpendwa msomaji wangu ni kwamba neno hili DIVAI/ MVINYO (WINE) linapotumika katika Biblia, siyo kila eneo katika maandiko linapotumika linamainisha kuwa ni Pombe moja kwa moja . La hasha!!

Kwa ufupi Divai ambayo ni Pombe inaitwa pia ni DIVAI YA JEURI ambayo inatajwa wanaoitumia sio watu wa Mungu bali ni waovu ( MITHALI 4:14-17).

Lakini watakatifu wa Mungu tuliokolewa tunainywa tu ile DIVAI ILIYO NJEMA ambayo inakuwa tu ni juice fresh na siyo pombe. Unaweza kuona mpaka hapo

( YOHANA 2:10-11; ISAYA 65:8 ).