Kama umegundua kitu ambacho ni kipya kabisa unapaswa kupata itu kinachoitwa ‘patent’, kwa kiswahili ni hataza

Kupitia tovuti kuu ya serikali wameandika hivi

Hataza ni haki ya pekee inayotolewa kwa uvumbuzi. Ili kupewa haki hii ya pekee au ulinzi,  ni lazima kuwa na uvumbuzi. Uvumbuzi ni ufumbuzi kwa tatizo la kiufundi.  Mvumbuzi analindwa dhidi ya matumizi yasiyoidhinishwa ya uvumbuzi wake iwapo uvumbuzi huo umesajiliwa na umepewa hataza. Ulinzi unatolewa kwa kipindi maalumu. Kipindi ni cha miaka 10 kinachoweza kuongezwa kwa vipindi viwili vya miaka 5 baada mwenye hataza kuomba kwa msajili.

Masharti:

• Uvumbuzi ni lazima uwe mpya ambao haujawahi kutokea
• Uwe na matumizi halisi (kutumika kiwandani)
• Lazima iwe na hatua ya uvumbuzi

Taratibu:

• Jaza fomu ya maombi nam. 2
• Ada ya maombi ya 22,000/=
• Maombi ni lazima yawe na hatimiliki ya uvumbuzi, maelezo ya uvumbuzi, kutaja fani ya kiufundi inayohusu uvumbuzi huo.-
• Fomu ziwasilishwe kwa msajili wa Hataza; ofisi za BRELA.