Shina ni sehemu ya neno ambayo inakuwepo kabla ya kupachika viambishi vya kisarufi. Mfano katika Kiiengereza; shina chair > chair(s); teacher > teacher(s). Tunaona kuwa chairs imetokana na mzizi chair-. Na teachers imetokana na uambatano wa teach- na –er. Hapa teach ni mzizi lakini teacher ni shina ambalo linapachikwa kiambishi tamati –s. Mwishoni tunayo dhana ya umbo la msingi (base) ambalo laweza kuambishwa vipashio vyovyote vile viwe vya kisarufi au vya kinyambulishi. Tuangalie mfano wa chair ambapo tunaweza kupata chairs au chaired yaani kwa umbo la msingi la chair tunapata tunajenga nomino yenye uwingi (chairs) na vilevile kitenzi chaired. Kwa maneno mengine kila mzizi ni kipashio cha msingi (base). Vipashio hivi vya msingi vyawa mashina pale tu vinapotumika katika muktadha wa uambishaji wa kisarufi…. endelea kusoma